रहाट

पाऊस संपला कि वाड्यांना शिंपणे द्यावे लागत असे (म्हणजे पाणी देणे ). यासाठी विहिरीतून पाणी काढून वाड्यांना द्यावे लागत असे. हे पाणी काढण्यासाठी पूर्वी इलेक्टिक मोटर नव्हत्या त्यासाठी रहाटाचा फार उपयोग होई. रहाट म्हणजे एक प्रकारचे लाकडी चक्र जे विहिरीवर बांधलेलं असायचे त्याला एक मातीच्या मडक्यांची रांग किंवा माळ असे व हि माळ विहिरीत सोडली जायची मडके खाली जाताना उपडे असायचे व वर येताना त्यात पाणी भरून यायचे. या रहायला गोल फिरण्यासाठी साधारणतः ८-१० फुटांवर लाकडी खांब आडवा लावलेला असे व त्याला काटकोनी आकारातील चक्रे लावून एक बैल गोलाकार फिरत असे. जोपर्यंत बैल फिरत असे तोपर्यंत रहाट चालू. बैलाच्या डोळ्यावर ढापणे लावलेले असे. याचे मानसिक शास्त्र असे कि बैलाला कळू नये कि तो सतत गोल फिरतोय. आणि जर बैलाला कळले कि बराच वेळ तो गोल गोल फिरतोय तर त्याला चक्कर येऊ शकते.