ताडगोळे

उन्हाळ्याच्या दिवसांमध्ये मऊ पाणीदार ताडगोळे पहिले कि खाल्ल्याशिवाय राहवत नाही. अलिबाग परिसरामध्ये ताडाची झाडे बऱ्याच ठिकाणी आढळून येतात. अगदी समुद्र किनाऱ्यापासून ते डोंगराळ भागात सुद्धा. नारळाएवढ्या एका फळामध्ये ३ ताडगोळे असतात. कोवळे पाणीदार ताडगोळे म्हणजे कोकणच्या मेव्यातील एक अविभाज्य फळ. चवीला जसे गोड तसेच यामध्ये  फायबर, व्हिटॅमिन ए आणि व्हिटॅमिन के सारखे पोषक तत्व मुबलक प्रमाणात आढळतात.

ताडगोळ्याचे आरोग्यासाठी फायदे –

• शरीराचे तापमान नियंत्रित करते
• सूक्ष्म पोषक तत्वांनी समृद्ध
• पोटाच्या समस्यांमध्ये फायदेशीर
• रोगप्रतिकारक शक्ती वाढवा
• चयापचय वाढवा
• मधुमेहात फायदेशीर

ताडाचे झाड अगदी नारळाच्या झाडासारखेच असते, फक्त झावळ्यांचा आकार वेगळा. याच झाडापासून ताडी मिळवतात. स्वच्छ व सकाळची ताजी ताडी आरोग्याला सुद्धा फायदेशीर असते. ताडाच्या झाडाला शक्यतो फांद्या नसतात, पण अलिबाग परिसरामध्ये दोन ठिकाणी हि वैशिष्ट्य पूर्ण झाडे आढळतात ज्यांना बऱ्याच फांद्या आहेत. हे एक नैसर्गिक आश्चर्यच म्हणावे लागेल.

तर मंडळी अलिबागचे मऊ लुसलुशीत पाणीदार गोड गोड ताडगोळे नक्की खा आणि तृप्त व्हा