संस्कृती

पर्यटन संस्कृती

इ. स. च्या पूर्वीपासून चौल हे बंदर आंतरराष्ट्रीय व्यापारासाठी प्रसिद्ध बंदर व समृद्ध शहर होते, त्यामुळे येथे विविध देशांतून प्रवासी व्यापारासाठी व इतर कारणासाठी येत. चौल बंदरातून बऱ्याच मोठ्या प्रमाणात मालाची आंतरराष्ट्रीय देवाण घेवाण होत असे. सन १५८३ मध्ये एका डच प्रवाशाने चौलचे वर्णन तटबंदी असलेले चांगले बंदर व व्यापारासाठी प्रसिद्ध शहर म्हणून केले आहे. रशियन प्रवासी अथनासीयस निकीतीन याने १४७० मध्ये चौल रेवदंडा येथे भेट दिली होती. असे अनेक प्रवासी येथे येऊन गेले व त्यांनी येथील प्रवास वर्णन लिहून ठेवले आहे. अलिबाग जवळ कनकेश्वरच्या डोंगरावर, तसेच अक्षी समुद्रकिनारा, फणसाड अभयारण्य येथे बरेच पक्षी निरीक्षक आवर्जून भेट देतात. येथील निसर्गसौंदर्य जवळपासच्या पर्यटकांना आकर्षित करते. येथे मोठ्या प्रमाणात किल्ले, पुरातन वास्तू, प्राचीन मंदिरे व इतर प्रार्थनास्थळे, असल्याने येथे पर्यटन मोठ्या प्रमाणात विकसित झालेले आहे.